آذربايجان سمت لرنده اولان سنور و حدوددن جسّان و بادرائى نام محللّر جانب همايونمزه متعلق اولوب مندليجين قصبه سى و در تنگه‌وار نجه‌سرميل نام محلّ سنور تعيين اولونوب مابينده اولان صحرالرى ايله جانب همايون‌مزه اولوب و ياننده اولان طاغ اوته طرفه قالوب و درنه و در تنگه ميل‌باشى سنور تعيين اولنوب و جانب همايونمزه اوله و جاف عشيرت‌لرينك ضياء الدين و هارونى تعبير اولنور قبيله لرى طرف شريفمزه اولوب بيره وه‌ردويى اوطه طرفه قالوب و طاغ اوزرنده واقع اولان زنجير قلعه سىهدم و خراب اولوب قلعهء مهدومهء مزبوره نك غربى طرفنده اولان كويلكلر جانب همايونمزه قالوب جانب شرقى ده اولان كويكلر اوطه جانبه اوله و شهرزور غربنده ظالم قلعه سنك اوستنده واقع اولان طاغك قلعهء مزبوره‌يه ناظر اولان اطرافى جانب همايون مزدن ضبط اولنوب و اورمان قلعه‌سى توابعى كويلرى ايله اوته طرفه قاله و شهرزوره چغان گدوكى سنور اولوب قزلجه و توابعى ايله جانب همايون‌مزه ضبط اولنوب و مهربان توابعى ايله اوطه طرفه قاله‌وان سرحدنده قتور و ماكو و قارص جانبنده مغاز برد قلعه‌لرى طرفيندن يقدير لمق اوزره قرار ويرلمكن مشار اليهمانك بر منوال مشروح ايتدكلرى قول و قراره راضى اولديغكزى و فيما بعد معاهده و مصافات مراسمن رعايت و مواسات و موالات لوازمين صيانت ايدب ايمانمزه وفا ايليه زرديو تعهد اتيدوكگزى وانك كسر و خلفندن ابا و اجتناب كوسترودولگزى اول نامه ده تصريح ايدوب جانبكزدن كلان وثيقهء مختومه مقبول همايون مزاولمسنى استدعا اتيدوكك اجلدن انجاز الوعد من دلايل المجد محض آسايش خلايق و عباد و آرامش ممالك و بلاد ايچون بوصلح قرار داده و صلاح شمولى و اصل رتبهء قبول قيلوب شول شرطله مقرر طوتلديكه قطع و تعيين اولنان سنور و حدود داخلنده واقع اولوب جانب همايون‌مزه متعلق و منسوب و سايه عدالت مايه مزله محمى بلدان و ممالكدن محسوب اولان محال و مواضع دن و صحارى و اراضيدن قزلباش طايفه سنه ال چكديريلوب اگر اراضى معموره و اكر خاليه در الشّيئ اذا ثبت ثبت بلوازمه مقتضا سنجه توابع و لراحقلريله موكلان بارگاه اعلى مز و معتمدان درگاه معلّى مز ضبط لرنده اوله و ذكر اولنان مواددن ماعدا اخسقه و قارص و وان و شهر زور و بغداد و بصره و ساير سنورلرينه داخل اولان قلاع و بقاع و نواحى و اراضى و صحارى و برارى و تلال و جباله اوطه طرفدن دخل و تعرّض اولنميه و اجداد عظام مز ، انار اللّه